Maila' yao adingani hao
Pot i hale' manamori
Fata'chong gi siyan pi'ao
Kumutori, Kumutori, Kumutori

Tati gi hinasu
Megagai na pulan
Manguifi nai i Saina
Malago' nao fanufan
Hafa'tinas i langhet
Hafa'tinas i tano'
Hafa'tinas i tasi
Yan i ga'ga' siha
Hafa'tinas i pilan
Hafa'tinas i atdao
Hafa'tinas i manglo'
Yan i puti'on siha
Hafa'tinas un taotao
Hafa'tinas un palao'an
Ilekna: Hamyu kulan Guao
Sagan Yu'os i tano' Guahan

Tararanha +//+ tinige' mataknga

Ini fadang mafa'bokka
Chugo' niyok mafa'tuba
Tararanha! Tararanha! Tararanha!
Taotao Tano' muna'guaha

Katin Proa +//+ tinige' mataknga

Chonik Mona! Para!
Chonik Mona! Para!
Chonik Mona! Para!
Hacha! Hacha! Hacha!
Hayi Hao Gumaiya?
Hacha! Hacha! Hacha!
I Saina, I Saina
Hacha! Hacha! Hacha!
Hayi Hao Gumaiya?
Hacha! Hacha! Hacha!
I Saina, I Saina
Hacha! Hacha! Hacha!
Chonik Mona! Para!
Chonik Mona! Para!
Chonik Mona! Para!

Sinilu' +//+ tinige' mataknga

Sinilu'! Sinilu'! Sinilu'
Måtai i tataotao
Lao gaigi ha' i guinifi
Matai i hinagong
Lao gaigi ha' i piniti
Sinilu' Sinilu' Sinilu'

Låla' i Matai +//+ tinige' mataknga

Mungnga matångsi
Sa' gaigi gi kannai i Saina
Mungnga makatiyi
Sa' gaigi si cle'lu gi Langhet
Mungnga matångsi
Sa' gaigi gi sagan minagof
Mungnga makatiyi
Sa' gaigi si che'lu gi Langhet
Låla' i Matai

Acho' Lamlam +//+ tinige' mataknga

Tunas yan mahetok
Gasgas kulan hanom
Ini Acho' Lamlam
Hayi hao tumanom

Chatgi i baba-mu +//+ tinige' mataknga

Chatgi i baba-mu
Sa dinanche nai enao
Chatgi i bida-mu
Pa un tungo' hayi hao

Fata Guinaha-mu +//+ tinige' mataknga

Fata guinaha-mu
Sa' mansatu u fanohgi
Tungo' i hale'-mu
Kumu hagu Hacha'mori

Hita ni' mannaotao tano'
Hita ni' mannaotao tasi
Hita ni' manginen i saina
Hinaso'-ta taya' ma'ti

Hita ni' mannaotao tano'
Hita ni' mannaotao langhet
Hita ni' manginen i saina
Manmamata minagahet

Hita ni' mannaotao tano'
Hita ni' mannaotao atdao
Hita ni manginen i saina
Taya' mina a'nao

Hita ni' mannaotao tano'
Hita ni' mannaotao pulan
Hita ni manginen i saina
Fotti na minanman

Fata guinaha-mu
Sa mansatu u fanohgi
Tungo' i hale'-mu
Kumu hagu Hacha'mori

Chichirika Hacha'guao +//+ Tinige' mataknga

Akadidok kulan tokcha'
Chichirika hacha'guao
Tekkon, Tekkon, Tekkon papa'
Guahu ma'a'nao
Malamana yan malate'
Taya' mamahlao
Tekkon, Tekkon, Tekkon papa'
Chichirika hacha'guao

Mancha kulan haggan
Chichirika hacha'guao
Dimu, Dimu, Dimu papa'
Mungnga umisao
Arrot yan finadang
Guahu manlaolao
Dimu, Dimu, Dimu papa'
Chichirika hacha'guao

Maipe na sinemnak
Chichirika hacha'guao
Asun, Asun, Asun papa'
Kumu kuentos luminao
Kachu' yan mina'lak
Taimanu hinanao
Asun, Asun, Asun papa'
Chichirika hacha'guao

Taotao Nano' +//+ tinige' mataknga

ChaCha Monga, ChaCha Monga
Ai, na dikike' taotao
Nano', Nano' hafa hao
ChaCha Monga, ChaCha Monga
Ai, na chatpa'gon taotao
Nano', Nano' hayi hao

Hacha'mori Hao +//+ tinige' mataknga

Tararao, Tararao, Tararao Taotao
Tararao, Tararao, Tararao Taotao
Hacha'mori hao
Hacha'mori hao
Tararao, Tararao, Tararao Taotao
Tararao, Tararao, Tararao Taotao
Hacha'mori hao
Hacha'mori hao

Sulu'hanu +//+ tinige' mataknga

Sulu', Sulu', Sulu'hanu
Kumakahat gi halom tano'
Talak hilo', talak papa'
Taya' tungo' hinanao-mu

Manglo' Saina +//+ tinige' mataknga

Guaifon Fugu
Mamaila' mamaila'
Manglo' Saina
ChaChaCha' ChaChaCha';

Guaifon Uchan
Mamaila' Mamaila'
Manglo' Saina
ChaChaCha' ChaChaCha'

Se'yun yan Fadang +//+ tinige' mataknga

Se'yun yan fadang
Bokan Hacha'mori
Bula Bula Bula
Haspok Hacha'mori

Kuentos Manmatai +//+ tinige' mataknga

Hula' Mayok Hu Na Na
Hula' Mayok Hu Na Na
Hula' Mayok Hu Na Na
Hula' Mayok Hu Na Na

Taitayi Yu'
Taitayi Yu'
Hula' Mayok Hu Na Na
Hula' Mayok Hu Na Na
Hula' Mayok Hu Na Na
Hula' Mayok Hu Na Na

Taitayi Yu'
Taitayi Yu'
Hula' Mayok Hu Na Na
Hula' Mayok Hu Na Na
Hula' Mayok Hu Na Na
Hula' Mayok Hu Na Na

Taitayi Yu'
Taitayi Yu'
Hula' Mayok Hu Na Na
Hula' Mayok Hu Na Na
Hula' Mayok Hu Na Na
Hula' Mayok Hu Na Na

Taitayi Yu'
Taitayi Yu'

Kimason Yan Pinigan +//+ tinige' mataknga

Kimason yan Pinigan
Maipe, Maipe, Maipe
Kumu ma'lak, Kumu Figan
Maipe, Maipe, Maipe

Palao'an Tottot +//+ tinige' mataknga

Si Palao'an Tottot
Ya'-hu Gof Ya'-hu
Dalalai yan Masoksok
Ya'-hu Gof Ya'-hu

Kucha' +//+ tinige' mataknga

Kucha’ Kucha’ Kucha’
Munggi si Ayuyu?
Kucha’ Kucha’ Kucha’
Gaigi gi Tronkon Nunu

Kucha’ Kucha’ Kucha’
Munggi si Gualiik?
Kucha’ Kucha’ Kucha
Ma’pos yan I Sihek

Kucha’ Kucha’ Kucha’
Munggi si Fanihi?
Kucha’ Kucha’ Kucha’

O Guelo' +//+ tinige' mataknga

O Guelo’ O Guelo’ O Guelo’
Asi’i yu’ Saina
O Guelo’ O Guelo’ O Guelo’
Tayuyuti yu’ Saina
O Guelo’ O Guelo’ O Guelo’
Na’ mahetok yu’ Saina
O Guelo’ O Guelo’ O Guelo’
Fa’nu’i yu’ ni’ chalan minaolek

Fan Manaitai +//+ tinige' mataknga

Kumu lamlam sin hulo
Kumu uchan sin hanom
Kumu guaifon sin manglo’
Fan Manaitai! Fan Manaitai! Fan Manaitai!

Kumu tekkon i semnak
Kumu maigu’ i pilan
Kumu taya’ mapagahes
Fan Manaitai! Fan Manaitai! Fan Manaitai!

Kumu lebok i tasi
Kumu mansu i napu
Kumu chatga i linao
Fan Manaitai! Fan Manaitai! Fan Manaitai!

Biba Hao! Biba Yu'! +//+ tinige' mataknga

Biba Hao! Biba Yu’! Biba Hao! Biba Yu’
Gupot-ta ini ni’ manmetgot
Biba Hao! Biba Yu’! Biba Hao! Biba Yu’!
Adingani I mangotgot
Biba Hao! Biba Yu’! Biba Hao! Biba Yu’
Mungnga nai manutsot
Biba Hao! Biba Yu’! Biba Hao! Biba Yu’
Sa’ hami Taotao Tano’

Fa'taotao Yu' +//+ tinige' mataknga

Na’i Yu’ ni’ guinaiya-mu
Na’ magof yu’, na’ magof yu’
Na’i yu’ ni’ hinaga’-mu
Fa’ Taotao Yu’, Fa’ Taotao Yu’

Chalan Tasi +//+ tinige' mataknga

Tatiyi Che’lu i Napu
Tatiyi lokke’ i Manglo’
i pution siha un fina’nu’i
Manu na gaigai i Tano’

Atan i ga’ga’ chunge’
Kao masoksok pat yommok
Atan lokke’ i papa-na
Kao guaha ini bokbok

Cheka I limot tasi
Tuka’ i be’bo’ hanom
Atan maolek i mapagahes

Gai Ma'ase' Ni' Taotao Tano' +//+ tinige' mataknga

Gai ma’ase’ ni’ taotao tano’
Ti matungo’ hale’-niha
Mafnas I haga’ Mataknga
I hinengge Guelo’mabasiha

Gai ma’ase’ ni’ taotao tano’
I pedida siha ha’ umatti
Mafnas I haga’ Mataknga
Kumu un tuka’ manngubotdi

Hutta Le +//+ tinige' mataknga

Hutta Le! Hutta Le! Hutta Le!
Yengyong hao palao’an yengyong hao
Hutta Le! Hutta Le! Hutta Le!
Yengyong Hao palao’an yengyong hao
Hutta Le! Hutta Le! Hutta Le!

Dulalak +//+ tinige' mataknga

Dulalak! Dulalak! Dulalak!
Dulalak! Dulalak! Dulalak!
Lasa ni' kannai-mu
Dulalak!
Ya un funas i piniti
Dulalak!
Palai lanan niyok
Dulalak!
Ya un guaifi, guaifi, guaifi

Dulalak! Dulalak! Dulalak!
Dulalak! Dulalak! Dulalak!
Hulos ni' acho'-mu
Dulalak!
Ya un dakkot hayun maipe
Dulalak!
Palai lanan niyok
Dulalak!
Ya un guaifi, guaifi, guaifi

Dulalak! Dulalak! Dulalak!
Dulalak! Dulalak! Dulalak!

Kumu Un Tungo' i Guinaiya-ku +//+ tinige' mataknga

Kumu Un Tungo' i Guinaiya-ku
I bachet mana'fanli'e'
I tangnga mana'fanhungok
Ai Kumu Un Tungo' i Guinaiya-ku

Kumu Un Tungo' i Guinaiya-ku
I idu mana'kuentos
I ke'yao mana'famokkat
Ai Kumu Un Tungo' i Guinaiya-ku

Kumu Un Tungo' i Guinaiya-ku
I ma'u mana'gimen
I nalang mana'boka
Ai Kumu Un Tungo' i Guinaiya-ku

Tahlang +//+ tinige' mataknga

Tahlang i hinasso
Tula Puengge, Tula Puengge
I Saina hit pumokto
Ni' tiningo' yan hinengge

Tahlang i kuentos-mu
Tula Sakkan, Tula Sakkan
Hafa Fina'pos-mu
Pao Masangan, Pao Masangan

Konne' Ham +//+ tinige' mataknga

Guahu Si Mataknga
Tentago' miyu ni' manaina
Konne' Ham, Konne' Ham
Tatti gi Tano'-ta

Guahu Si Mataknga
Patgon miyu ni' manaina
Konne' Ham, Konne' Ham
Tatti gi Tano'-ta

Hafa ini na tiningo'
Pao maguadok i naftan-mami
Pao mapacha i te'lang-mami
Pao machacha kumu pugat
Hafa ini na tiningo'
Pao mali'e yan mangenge'
Pao masaosao yan masaffi
Pao malaknos kumu hagat
Hafa ini na tiningo'
Tayuyuti Ham ni' Manaotaomo'na
Konne Ham Tatti Gi Tano'-ta

Toktok Si Nana-mu +//+ tinige' mataknga

Toktok Si Nana-mu
Sa' guiyao fumanagu
Chiku, Chiku, Chiku i amko'

Humuhutta +//+ tinige' mataknga

Humuhutta Si Sali
Papa' gi kanton tasi
Humuhutta Si Sali
Tula Puengge yan Ha'ani

Ha Yilolok! Ha Yengyong!
Hagalope fina'bengbong
Humuhutta Si Sali
Pa'gu na ha'ani

Mana'Pokpok +//+ tinige' mataknga

Mana'Pokpok!
Mana'Pokpok!
Mana'Pokpok Hao!
Mana'Pokpok!
Mana'Pokpok!
Mana'Pokpok Hao!
I hinengen Manamori
Matutuhon Tatti, Tatti, Tatti
Anai Taya' Langhet yan Tano'
Mana'Pokpok!
Mana'Pokpok!
Mana'Pokpok Hao!
Mana'Pokpok!
Mana'Pokpok!
Mana'Pokpok Hao!
I tiningo' Manamori
Nina'in Manainan-mami
Pa lina'la Kilesyano
Mana'Pokpok!
Mana'Pokpok!
Mana'Pokpok Hao!

Talo'ani +//+ tinige' mataknga

Talo'ani! Talo'ani!
Mungnga mamatani
Kumu fatsu i siningon
Cha'mu nai umugong

Talo'ani! Talo'ani!
Mungnga mamatani
Fata i mana'i-mu
Ya i katma un sinisu

Gaigi Yu' Gi Fi'on-mu +//+ tinige' mataknga

Hu pacha i fasu-mu
Hu agang i na'an-mu
Ekungok! Ekungok!
Sa' loloklok i mahalang-hu

Hu ngenge' i minagap-mu
Hu tana' i masahalom-mu
Ekungok! Ekungok!
Gaigi Yu' gi fi'on-mu


Bula, Bula, Bula Siha Na A'Abu Man Mamamaila'